جفرا يا ها لربع كلمات الشاعر ياسين مصطفى بكري

** من تراثنا ** جفرا يا هالربع **
تاليف ...ياسين مصطفى بكري***

جفرا يا هالربع     ..........     يا وردة جورية
طلعتي عراس النبع.........     تا تشربي مية
بعيونك شفت الدمع........     والدنيا صيفية
ودموعك مثل الشمع.......     عم تضوي عليا
**********
جفرا يا هالربع     ..........     نزلت على الوادي
نزلت تاتقطف ياسمين.....     وتتسمع انشادي
قلتلها يا حلوة منين........     من اي بوادي
قلتلي بلادي فلسطين.....     وأمي عربية
**********
جفرا يا هالربع   ...........     ياسمينة شامية
زينة لبلاد العرب............      اللهجة وطنية
زعلانة ايش السبب.......      ما تردي علية
تبسمي وزيحي الغضب..      الشمس مضوية
**********
جفرا يا هالربع  ...........      قلتي بتحبيني
رشي ثوبك بالعطر........      بين البساتيني
لما شفتك الظهر...........       هدية أعطيتيني
بسمة وقصيدة شعر.....       وضحكة بعناوية
**********
تحياتي...ياسين مصطفى بكري....