عنقود متدلي كلمات الشاعر ياسين مصطفى بكري

***** عنقود متدلي *****

تحَيرت شو اكتب الك كلمات
إنت العزيزة الغالية عندي
كلماتك الي سطروا الايات
وعيونك الي مونوا حبي
ما يوم ممكن اغدر الستات
طيفك بظَلُه يلعب بحضني
ما يوم بَنسى العين والغمزات
كيف انسى يا بعد عمري
طلعنا انا وانتي الى الجنات
شو هالطيابة بقلبك وقلبي
إتذكري بالكرم والعنبات
لما شُفِت عُنقود متدلي
العنب احمر لامس الشفات
وشفافك الي لامسوا خدي
لما حكيتيني سمعت نايات
الروح طربت وانت تتجلي
صعب قلبي يترك الحلوات
وانت معاي اطلبي تمني
حبك سقاني اطيب الميات
والروح عنك ما بتستغني
....تحياتي...ياسين مصطفى بكري...